चिकित्सा शिक्षा सुधारका लागि सात पटक अनसन बसीसकेका प्रा.डा. गोविन्द केसीले अख्तियार दुरुपयोग अनुसन्धान आयोगका प्रमुख लोकमानसिंह कार्कीलाई महाअभियोग लगाउनु पर्ने माग सहित अनसन घोषणा गरे । सुशासन कायम गर्ने जिम्मा पाएका संवैधानिक निकायकै प्रमुख चिकित्सा क्षेत्रका विभिन्न विकृतिमा प्रत्यक्ष संलग्न भएको भन्दै उनले १२ असारमा यस्तो माग सार्वजनिक गरेका हुन ।

महाअभियोग सहित चार बुँदे माग पुरा नभए २६ असारबाट अनसन बस्ने डा. केसीको घोषणा छ । अनसन घोषणा गरेको केही घण्टामै अख्तियार दुरुपयोग अनुसन्धान आयोगले डा. केसीको ‘मानसिक उपचार’ गर्न माग गरिएको प्रेस विज्ञप्ति जारी गर्यो । त्यही साँझ आयोगका प्रवक्ता कृष्णहरि पुष्करले बीबीसी नेपाली सेवामा प्रा.डा. केसीलाई पटक पटक ‘मानसिक रोगी’ भने ।

बीबीसीका शरद केसी र कृष्णहरि पुष्करबीचको अन्तर्वार्ता

प्रतिकृया दिनुहोस