युरोकप २०१६ को पहिलो सेमिफाइनल २१ असारमा पोर्चुगल र वेल्सबीच हुँदैछ । वेल्सले १८ असार विहान भएको क्वाटर फाइनलमा वेल्जियमलाई ३–१ गोल अन्तरले पराजित गरेर पोर्चुगलसँगको भेट पक्का गरेको हो ।

नैन गोलानको गोल मद्दतले बेल्जियमले खेलको १३ औं मिनेटमा अग्रता लिएको थियो । तर कप्तान ए. विलियम्सले ३१ औं मिनेट गोल गरेर वेल्सलाई खेलमा फर्काए । कानुले ५५ औं र भोक्सले ८६ औं मिनेट गोल गर्दै वेल्सलाई ३–१ गोलको जित दिलायो ।

फिफा विश्व वरियतामा २६ औै स्थानमा रहेको वेल्सले प्रि–क्वाटर फाइनलमा उत्तरी आयरल्याण्डलाई १–० गोलले पराजित गरेको थियो ।

३१ लाख जनसंख्या रहेको वेल्स समूह बीको विजेता हँुदै प्रि–क्वाटर फाइनल पुगेको हो । समूह चरणमा स्लोभाकियालाई २–१ र रसियालाई ३–० गोल अन्तरले पराजित गरेको वेल्स बेलायतसँग
१–२ गोलले पराजित भएको थियो ।

२०१४ मा भएको युरो छनौट चरणको खेलमा भने वेल्स र बेल्जियमले गोल रहित बराबरी खेलेर अंक बाँडेका थिए । इजरायल, वोस्निया हर्जगोविना, अण्डोरा र साइप्रस सहित ६ टीम मध्ये बेल्जियम समूह विजेता र वेल्स उपविजेताको रुपमा युरोकप २०१६ का लागि छनौट भएको थियो ।

यसैबीच युरोकप २०१६ को तेस्रो क्वाटर फाइनल १८ असार राति इटली र जर्मनीबीच हुँदैछ ।

प्रतिकृया दिनुहोस