नेपाल कम्युनिस्ट पार्टीका संस्थापक महासचिव पुष्पलाल श्रेष्ठको जीवनीमा आधारित नाटक तयार भएको छ ।

१९८१ सालमा रामेछापको भँगेरीमा जन्मिएका पुष्पलाल र १९९७ पछिका राजनीतिक गतिविधि तथा अन्य महत्वपूर्ण घटनाक्रमलाई विषयवस्तु बनाएर नाटक तयार गरिएको नेपाल नाट्य तथा सङ्गीत प्रज्ञा–प्रतिष्ठानका प्राज्ञ माधवलाल प्रधानले बताए। उनले नै निर्देशन गरेको उक्त नाटक एक घन्टा १५ मिनेटको छ ।

राष्ट्रिय जनसङ्गीत मञ्चले आगामी ७ साउनमा पुष्पलालको ३९औं स्मृतिदिवसमा नाटक प्रज्ञा–प्रतिष्ठानमा प्रदर्शन गर्ने जनाइएको छ ।

प्रतिकृया दिनुहोस