तस्वीर: आनन्दराम डंगोल

प्रधानमन्त्री केपी शर्मा ओलीले साहित्यकार झमक घिमिरेका कृतिहरुको काठमाडौंमा विमोचन गरेका छन् ।

घिमिरेको कविता संग्रह ‘प्रेमिल आकाश’, ‘जीवन फूल कि काँडा’ को हिन्दी संस्करण र सोही कृतिको चलचित्र अडियो क्यासेट प्रधान्मन्त्री ओलीले विमोचन गरेका हुन् ।

झमक घिमिरे प्रतिष्ठानले आयोजना गरेको उक्त कार्यक्रमलाई सम्बोधन गर्दै ओलीले साहित्यकार घिमिरेले स्वतन्त्र ढङ्गले सत्यलाई बाहिर ल्याउने काम गरेकोे र आफ्ना भोगाईहरु अभिव्यक्त गरेको बताए ।

“कृतिमा कसैलाई पछ्याएर लेखिएको छैन, भ्रममा परेर लेखिएको छैन, बहकिएको छैन, अनुभव गरेको र देखेको कुरा निष्ठापूर्वक लेखिएको छ,” प्रधानमन्त्री ओलीले भने, “उहाँका कृति मानवजाति, सत्य र निष्ठाप्रतिको समर्पण हुन्” ।

आजै घिमिरेको जन्मदिन पनि परेकाले प्रधानमन्त्रीले जन्मदिनको शुभकामना व्यक्त गर्दै घिमिरेको स्वास्थ्योपचारका लागि सरकारले आवश्यक आर्थिक सहयोग गर्ने बताए ।

सरकारले साहित्यकार घिमिरेलाई रु पाँच लाख उपचार खर्च दिने निर्णय समेत यसअघि गरिसकेको छ ।

सरकारले घिमिरेलाई घर निर्माणका लागि काठमाडौँमा जग्गा समेत उपलब्ध गराइसकेको छ ।

साहित्यकार घिमिरेको जीवनमा आधारित चलचित्र दार्जिलिङ निवासी विनोद विष्टले निर्देशन गर्दैछन् ।

प्रतिकृया दिनुहोस