तस्वीर: यूपी लामिछानेको फेसबुकबाट

नेपाली कांग्रेसका महामन्त्री शशांक कोइरालालाई निमोनिया देखिएपछि थप उपचारका लागि भारत लैजाने तयारी गरिएको छ ।

२२ असार साँझ एक्सासी वान्ता भएपछि चाबहिलस्थित ओम अस्पतालमा भर्ना भएका महामन्त्री कोइरालाको स्वास्थ्यमा सुधार नदेखिएपछि आईसीयुमा राखेर उपचार भइरहेको छ । कांग्रेस नेता दिलेन्द्र बडूका अनुसार उनलाई थप उपचारका लागि भारत लैजाने तयारी भइरहेको छ ।

उनले भने, “एअर एम्बुलेन्स बोलाइएको छ, आउन समय लाग्ने देखिएको छ ।” महामन्त्री कोइरालालाई अस्पतालकै सुझाव अनुसार एपोलो अस्पताल लैजाने तयारी भएको छ । बडूले भने, “जून राम्रो हो, त्यसैमा लैजानु भनेका छौं । अस्पतालले एपोलो नै ठीक हुन्छ भनेको छ ।”

महामन्त्री कोइरालालाई भेट्न प्रधानमन्त्री केपी शर्मा ओली अस्पताल पुगेका छन् भने कांग्रेस सभापति शेरबहादुर देउवासहित बरिष्ठ नेता तथा कार्यकर्ताहरु चाबहिल पुगेका छन् ।

थप समाचार
कांग्रेस महामन्त्री कोइराला अस्पताल भर्ना
कोइरालाको स्वास्थ्य गम्भीर तर स्थीरः अस्पताल

प्रतिकृया दिनुहोस