तस्वीर: रासस

नेपाली कांग्रेसका महामन्त्री डा शशाङ्क कोइरालाको स्वास्थ्यमा क्रमिक सुधार आएपछि आज दिउँसो उनले जुस खाए ।

ओम अस्पतालका प्रबन्ध सञ्चालक हरिकृष्ण श्रेष्ठका अनुसार कोइरालाको स्वास्थ्य अवस्था सामान्य बन्दै गएकाले झोलिलो खानेकुरा दिन शुरु गरिएको हो । उपचारमा संलग्न चिकित्सकले उनको पछिल्लो स्वास्थ्य जाँचका प्रतिवेदन सामान्यतर्फ उन्मुख रहेको बताएका छन् ।

२२ असार बिहान एक्कासि स्वास्थ्य बिग्रिएपछि उनलाई भेन्टिलेटरमा राखेर उपचार गरिएको थियो भने स्वास्थ्यमा सुधार देखिएसँगै २२ २३ असारदेखि भेन्टिलेटरबाट सघन उपचार कक्ष (आइसियु) मा राखिएको छ ।

महामन्त्री कोइरालाको स्वास्थ्य अवस्थाबारे जानकारी दिँदै डा लव जोशीले उनलाई कुनै सङ्क्रमण नहोस् भनेर भेटघाटमा सर्तकता अपनाएको जानकारी दिए ।

२१ असार साँझ श्वासप्रश्वासमा केही समस्या देखिएपछि डा कोइराला ओम अस्पतालमा भर्ना भएका थिए । २२ असार बिहान वान्ता भएर त्यो सर्किएर फोक्सोमा पुगेपछि कोइरालाको स्वास्थ्य अवस्था गम्भीर बनेको थियो ।

प्रतिकृया दिनुहोस