पूर्वपश्चिम राजमार्ग अन्तर्गत बाराको आमलेखगंजमा जंगली हात्तीको आक्रमणबाट एक ट्यांकर चालकको मृत्यु भएको छ ।

जंगलबाट निस्केर राजमार्गमा आइपुगको हात्ती देखेर ट्यांकर चालकले नजिक गएर जिस्काउन थालेपछि आक्रोशमा आएको हात्तीले गएराति करिब ९:१५ बजे ट्यांकरका चालकमाथि आक्रमण गरेको थियो ।

प्रत्यक्षदर्शीका अनुसार अमलेखगंज–४ स्थित नेपाल आयल निगमण्को कार्यालय छेउमा पार्किङ गरिएका करिब २० वटा ट्यांकरका चालकहरु समूहमा सडकमा छेउ बसिरहेका थिए ।

जंगली हात्ती एक्कासी सड्कमा आएको देखेर उनीहरुले जिस्काउन थाले । त्यसक्रममा हात्ती लम्किएर चालकहरु भएतर्फ आयो । अरुहरु त भागे तर ना.२.ख.४८८६ नम्बरको ट्यांकर चालक हेटौडा–५ सानोपोखरा बस्ने २५ वर्षीय भानुभक्तलाई भने हात्तीले सुँडले समातेर ३० मिटर पर जंगलभित्र पु¥याएपछि कुल्चेर मार्‍यो ।

गत बर्ष असोजमा पनि नियमित हिडडुलमा निस्केकी आमलेखगंज–४ की ३९ वर्षीया गंगाबल रावललाई हात्तीले सड्कबाट जंगलमा लगेर मारेको थियो ।
उनीसँगै हिँडिरहेका श्रीनारायण धामी भने भागेर ज्यान जोगाउन सफल भएका थिए ।
श्याम गुप्ता, बारा

प्रतिकृया दिनुहोस