समाचारसोमबार, आषाढ २७, २०७३

फ्रान्सलाई हराउँदै पोर्चुगल बन्यो यूरो कप च्याम्पियन

हिमालखबर

po

यूरो कप–२०१६ काे  पेरिसमा भएको फाइनल खेलमा पोर्चुगलले फ्रान्सलाई १–० ले हराएर उपाधि जितेको छ । पोर्चुगलले यो उपाधि पहिलो पटक जितेको हो ।

निर्धारित ९० मिनेटमा कुनै टिमले गोल गर्न सकेका थिएनन् ।  पोर्चुगलका खेलाडी एडरले ११० औं मिनेटमा २५ मिटरको दूरीबाट गरेको प्रहार गोलमा परिणत भएको थियो ।

po1यो गोलसँगै स्टेडियममा ठूलो संख्यामा रहेका आयोजक फ्रान्सका प्रशंसक निराश भए भने पोर्चुगलका प्रशंकमा खुशी र उत्साह भरियो ।

खेलको समाप्तिसम्म फ्रान्सको टिमले गोल बराबरी गर्न नसक्दा पोर्चुगलले प्रतियोगिता १–० ले जित्यो ।

पोर्चुगलले करिब पूरै म्याच आफ्ना स्टार खेलाडी क्रिस्टियानो रोनाल्डो बिना नै खेल्यो । रोनाल्डो फ्रान्सका खेलाडी दिमित्री पायटसँग ठोक्किएपछि खेलबाट बाहिरिएका थिए ।

po2स्ट्रेचरमा खेल मैदानबाट बाहिरिंदै गर्दा उनका आँखा रसाइरहेका थिए ।

फ्रान्सको प्रदर्शन खेल अवधिभर राम्रो भए पनि बाजी भने पोर्चुगलले जित्यो । पोर्चुगलमाथि फ्रान्स हावी भइरहे पनि पाएका मौकाको उसले सदुपयोग गर्न सकेन ।

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...