मानवअधिकार तथा शान्ति समाजले डा गोविन्द केसीका माग सम्बोधन गर्न सरकार र सम्बन्धित निकायलाई आग्रह गरेको छ ।

“सत्याग्रही डा केसीले आमरण अनशन प्रारम्भ गर्ने घोषणा गरेपछि उहाँले अघि सारेका मागका सन्दर्भमा समाजमा बहस हुनु र पक्ष/विपक्षमा विचारहरू प्रवाहित हुनु स्वाभाविक हो, तर उहाँका मागलाई सम्बोधन गर्नुपर्छ”–समाजका महासचिव उत्तम पुडासैनीद्वारा जारी विज्ञप्तिमा भनिएको छ ।

चिकित्सा शिक्षामा सुधारको चारबुँदे माग राख्दै चिकित्साशास्त्र अध्ययन संस्थानका प्राध्यापक डा गोविन्द केसीले हिजो २६ असारदेखि आठौँपटकको अनशन शुरु गरेका हुन् ।

आजै समाजका संस्थापक सभापति कृष्ण पहाडी लगायतको टोलीले अनशनरत केसीलाई भेटी ऐक्यवद्धता पनि प्रकट गरेको छ ।

प्रतिकृया दिनुहोस