डा गोविन्द केसीको समर्थनमा काठमाडौंमा भव्य प्रदर्शन भएको छ ।

चिकित्सा शास्त्र अध्ययनरत विद्यार्थीहरुको पहलमा गरिएको प्रदर्शनमा विभिन्न पेशामा आवद्ध युवा, सञ्चारकर्मी, चिकित्सक, विद्यार्थी लगायतका व्यक्तिहरु ठूलो संख्यामा काठमाडौंको माइतिघर मण्डलामा उपस्थित भएका थिए ।

माइतिघर मण्डलामा भएको प्रदर्शनका सहभागीहरुको जुलुश नयाँ बानेश्वरस्थित संसदभवन नजिक निषेधित क्षेत्रसम्म पुगेर सभामा परिणत भएको थियो ।

जुलुसमा सहभागीले ‘अख्तियारको घडीमा माफियाको ब्याट्री,’ ‘माफियाको मिसन, सिटामोलमा कमिशन,’ ‘केसीको अनशन माफियालाई टेन्सन,’ ‘डा. केसी जिन्दावाद,’ ‘लोकमान अख्तियार छोड’ लगायतका नारा लगाएका थिए ।

युवाहरुले डा केसीको समर्थनमा नाराबाजी गर्दै उनका माग पूरा गर्न सांसदहरुलाई आग्रह गरेका छन् ।

चिकित्सा शिक्षा र स्वास्थ्य क्षेत्रमा समग्र सुधारको माग राख्दै आठौं पटक अनशन बसेका सत्याग्रही प्राडा गोविन्द केसीका माग पूरा गराउन प्रदर्शन भएको हो ।

सबै तस्वीर: गोपेन राई
भिडियो: सञ्जीव शर्मा

प्रतिकृया दिनुहोस