अनशनरत प्राडा गोविन्द केसीका मागहरुबारे सम्बन्धित निकायले बेवास्ता गरेको भन्दै त्रिवि शिक्षण अस्पतालका रेजिडेन्ट डाक्टरहरुले आजदेखि ओपीडी मा सहभागी नहुने निर्णय गरेका छन् ।

‘रेजिडेन्ट डक्टर्स एसोसिएसन’ ले बहिरङ्ग विभाग (ओपीडी) मा सहभागी नभए पनि इमर्जेन्सी, आइसीयु, अप्रेसन र इन प्यासेन्ट (भर्नाभएका विरामी) मा भने यथावत सहभागी हुने जनाएको छ ।

ओपीडीमामा रेजिडेन्ट डाक्टरहरु (स्नातकोत्तर तह र फेलोसिप गरिरहेका चिकित्सक) सहभागी नहुँदा ओपीडी सञ्चालन हुन नसक्ने अवस्था आउँछ ।

“डा केसीको जीवन रक्षाका लागि वाध्यतापूर्वक चालिएको यस कदमप्रति चिकित्साशास्त्र अध्ययन संस्थानका सम्पूर्ण फ्याकल्टी, चिकित्सक, नर्सिङ स्टाफ, कर्मचारी साथै सम्बन्धित सबैमा सहयोग गरिदिन हुन आग्रह गर्दछौं,” विज्ञप्तिमा भनिएको छ ।

प्रतिकृया दिनुहोस