समाचारबिहीबार, साउन ६, २०७३

संसद बैठक भोलि २ बजेसम्मलाई स्थगित, प्याकेजमा सहमति गर्ने पौडेलको प्रस्ताव

हिमालखबर

व्यवस्थापिका संसदको बैठक भोलि, ७ असार २ बजे बस्ने गरी स्थगित भएको छ ।

संसदको कार्यसूचीमा बजेटसम्बन्धी विधेयक कि अविश्वास प्रस्तावलाई पहिलो प्राथमिकता दिने भन्ने दलहरुबीचको विवाद कायमै रहँदा बैठक स्थगित गरिएको हो ।

नेपाली कांग्रेसका नेता रामचन्द्र पौडेलले दलहरुबीच प्याकेजमै सहमति खोज्ने प्रयास भइरहेको र भोलि फेरि छलफल गरी सहमतिमा पुगिने बताएका छन् ।

बजेटसम्बन्धी विधेयक पारित गर्ने, प्रधानमन्त्रीले राजीनामा दिने, विपक्षी दलले अविश्वासको प्रस्ताव फिर्ता लिने विषयका साथै नयाँ प्रधानमन्त्रीको निर्वाचनका लागि सहमतिको वातावरण बनाउने र संविधान कार्यान्वयनका लागि सबै दल एक हुनुपर्ने विषयलाई प्याकेजमै सहमति गर्न आफूले प्रस्ताव गरेको पौडेलले बताए ।

आफ्नो प्रस्तावमा प्रधानमन्त्री केपी शर्मा ओलीले ‘तपाईँहरु अविश्वासको प्रस्ताव फिर्ता लिनुहोस, राजीनामा गर्नेबारे म पार्टीमा छलफल गर्छु’ भनेको पनि उनले बताए ।

माओवादी नेता कृष्णबहादुर महराले पौडेलको प्रस्तावमाथि भोलि पुनस् छलफल गरिने जानकारी दिए ।

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...