सानिमा बैंकले ‘सानिमा मनि म्याक्सिमाइजेसन स्किम’ ल्याएको छ । यो योजनाअन्तर्गत ग्राहकहरुले आफूलाई पायक परेको समयमा कुनै पनि स्थानबाट ई–एकाउन्ट पोर्टलबाट स्वतः बचत खाताबाट मुद्दति खातामा रकमान्तर गर्न  बैंकलाई निर्देशन दिन सकिनेछ ।

खातामा रहेको अधिक रकम स्वतः मुद्दति खातामा ट्रान्सफर हुने, ग्राहकले यस  बैंकले प्रकाशित गरेको मुद्दति निक्षेप दरमा बढी ब्याजदर पाउने, स्वत नविकरण सेवा तथा मुद्दति निक्षेपलाई बन्द गर्नका लागी सजिलो विकल्प हुने बैंकद्वारा जारी विज्ञप्तिमा उल्लेख छ ।

ग्राहकहरुलाई थप जानकारी चाहिए वेबसाइटमा रहेको कनेक्ट अप्सनमा गएर आफ्नो सम्पर्क बिवरण दिन सकिने बैंकले जनाएको छ । ग्राहकहरुले एसएमएस तथा अन्य सार्वजनिक सञ्जाल (भाइवर, स्काईप, फेसबुक, ह्वाट्स्एप)द्वारा पनि बैंकसँग सम्पर्क गर्न सकिन्छ ।

प्रतिकृया दिनुहोस