तस्वीर: दीपक ज्ञवाली

बुटवलको तिनाउ नदीमा आएको बाढीले नदी किनारका कम्तिमा १५ घर बगाएको छ भने २०० भन्दा बढी घर डुबानमा छन् ।

नदीमा पानीकोे बहाव बढिरहँदा नदी वरपरका वस्तीहरु थप जोखिममा परेको बुटवल प्रहरीले जनाएको छ ।

जोखिमपूर्ण वस्तीका वासिन्दालाई सुरक्षित स्थानमा सार्न प्रहरी खटिरहेकोे इलाका प्रहरी कार्यालय बुटवलका डिएसपी महेन्द्र खड्काले बताए ।

अहिलेसम्म बुटवल–७ प्रगतिटोलका १० र बुटवल–१३ मझुवाका ५ घर बाढीले बगाएको छ ।

तिनाउ किनारका दुर्गानगर, न्यु दुर्गानगर, सिमानगर, खयरघारी लगायतका २ सय बढी घरमा पानी पसेको छ ।

अहिलेसम्म मानवीय क्षति भने भएकोछैन ।

झोलुङ्गे पुल बग्यो
तिनाउकोे बाढीले बुटवल–१३ मा रहेको झोलुङ्गे पुल बगाएको छ ।

उद्धारमा खटिएका प्रहरी हवल्दार चिरञ्जीवी चौधरी घाइते भएका छन् ।

बाढीले आसपासका घरहरु काट्ने क्रम शुरु भएको इप्रका बुटवलले जनाएको छ । क्षतिको थप बिबरण आउन बांकी छ ।
दीपक ज्ञवाली, बुटवल

प्रतिकृया दिनुहोस