अर्थ/बजारबुधबार, साउन १२, २०७३

जियोनीको ‘सेल्फी मास्टर’ बजारमा

हिमालखबर

PIC_mobile
जियोनीले नेपाली बजारमा जियोनी एफ–१०३ प्रो ल्याएको छ । यो स्माटफोन सेल्फी खिच्न रुचाउने युवा जमातलाई लक्षित गरेर ल्याइएको हो ।

एफ–१०३ प्रोमा २.५ डी ड्रागन टेल ग्लास, ५ इन्चको एचडी (७२० पी) आइपीएसईन डिस्प्ले छ । १३ मेगापिक्सेल्को फास्ट फोकस रियर क्यामेरा र फेस ब्युटी र स्क्रिन फ्ल्यास सहितको ५ मेगापिक्सेल्को फ्रन्ट क्यामेरा छ ।

‘सेल्फी मास्टर’ को रुपमा ल्याइएको यो स्मार्टफोनमा १.३ गिगाहर्जको क्वाडकोर मेडियाटेक एमटि–६७३५ प्रोसेसर छ । गुणस्तरीय ध्वनीका लागि जियोनीका अन्य मोडेलमा जस्तै डीटिएस प्रविधि त छँदैछ ।

एफ–१०३ लोकप्रिय भएपछि त्यसैको नयाँ संस्करणको रुपमा एफ–१०३ प्रो ल्याइएको कम्पनीले जनाएको छ । यसमा ३ जीबि र्याम र १६ जीबी रोम (१२८ जीबीसम्म थप्न सकिने) र एन्ड्रोइडको सबैभन्दा नयाँ संस्करण ६.० मार्शमेलोमा आधारित जियोनिको आफ्नै सफ्टवेयर अमिगो ३.२ छ ।

डुअल सिम डुअल स्टान्डबाई रहेको यो सेटमा २४०० एमए्एचको ब्याट्री छ । ब्याट्री २० घण्टाको टल्क टाईम र ४७० घण्टाको स्टान्डबाई टाईमका लागि प्रर्याप्त हुने कम्पनीको दाबी छ ।

८.५ मिमि पातलो र १४३ ग्राम तौलको एफ–१०३ प्रो गोल्डेन, ह्वाईट र ग्रे गरी तीन रंगमा उपलब्ध छन् ।

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...