एमाओवादी केन्द्रका अध्यक्ष पुष्पकमल दाहाल र नेपालका लागि चीनका राजदूत ऊ छुन्थाईबीच दाहाल निवास लाजिम्पाटमा भेटवार्ता भएको छ ।

आज, १४ साउन बिहान दाहाललाई भेट्न उनको निवास लाजिम्पाट पुगेका राजदूत ऊ छुन्थाईसँग दाहालले आफूले सरकारको नेतृत्व गरेपछि पनि चीन सँग यसअघि भएका सन्धी सम्झौतालाई कार्यान्वयन गरिने प्रतिवद्धता जनाएका हुन् ।

दाहालको सचिवालयले चीनसँग केपी ओली नेतृत्वको सरकारले गरेका सम्झौताहरु पनि आफू प्रधानमन्त्री भएका बेला भएका सहमतिको परिणाम रहेको जनाएको छ ।

दाहालले राजदूतसँगको कुराकानीमा नयाँ सरकारले संविधान कार्यान्वयन, पुनर्निर्माण र विकासका कामलाई प्राथमिकता दिइने बताएका थिए ।

चिनियाँ राजदूत छुन्थाईले सरकार परिवर्तन नेपालको आन्तरिक मामला भन्दै अब बन्ने सरकारलाई चीनको पूर्ण साथ र सहयोग रहने प्रतिबद्धता जनाएका थिए ।

प्रतिकृया दिनुहोस