दशरथ रंगशालामा २६ मंसिरमा राष्ट्रिय टीमका स्ट्राइकर सन्तोष साहुखलको ह्याट्रिक मद्दतले थ्रीस्टारले जित निकालेको हो । साहुखलले ४७, ५९ र ९५ औं मिनेटमा गोल गरेर टीमलाई तीन अंक दिलाएका हुन ।  पाँच खेलबाट १२ अंक जोडेको थ्रीस्टार अंक तालिकाको तेस्रोस्थानमा उक्लेको छ ।

हिमालयन शेर्पाका लागि ३७ र ५६ औं मिनेटमा गणेश खड्काले गोल गरे । पुछारबाट चोथौंस्थानमा रहेको हिमालयनको चार अंक छ ।

आजै भएको अर्को खेलमा जावलाखेल युथलाई १–० ले पराजित गरेर आरसिटी १३ अंक सहित दोस्रोस्थानमा पुगेको छ । आरसिटीका अमर डंगोलले ५३ औं मिनेटमा गरेको गोल निर्णायक भएको थियो । जावलाखेलको पाँच खेलबाट ६ अंक छ ।

प्रतिकृया दिनुहोस