त्रिपुरेश्वरस्थित दशरथ रङ्गशाला मैदानमा भएको सो प्रतियोगितामा प्रहरीले बौद्ध फुटबल क्लबलाई २–० गोल अन्तरले पराजित गर्दै दोस्रो जित हासिल गरेको हो । प्रहरीका लागि खेलको २० औं मिनेटमा सुमन सुवेदीले एक गोल गर्दै पहिलो अग्रता लिए । खेलको ९० औं मिनेटमा भोला सिलवालले थप एक गोल थप्दै आफ्नो टिमको जित सुनिश्चित गरे । छ खेल खेलेको प्रहरीले ८ अङ्क जोडेको छ भने बौद्धले अहिलेसम्म अङ्क जोडन सकेको छैन ।

यसैगरी सोही मैदानमा भएको अर्को खैलमा सशस्त्र प्रहरी (एपिएफ)क्लबले बाँसबारी युवा क्लबलाई ४–० गोलले हराउँदै विजयी भयो ।
सशस्त्रका लागि खेलको १० औं मिनेटमा श्याम नेपालीले एक गोल गर्दै खाता खोले भने खेलको ३१ र ३६ औं मिनेटमा सन्तोष श्रेष्ठले दुई गोल गरे ।

यस्तै पहिलो चरणको इन्जुरी समयमा राजेन्द्र रावलले थप एक गरे । यस जितसँगै एपिएफले ९ अङ्क जोडेको छ भने बाँसबारीको एक अङ्क रहेको छ ।

प्रतिकृया दिनुहोस