मोटर पुगेपछि जिल्लावासी सर्वसाधारणले चर्को महङ्गी, कठिनाइ, महंगो हवाई यात्रामा छुटकारा पाउने विश्वासमा छन् । पूर्व शिक्षा राज्यमन्त्री हस्तबहादुर मल्लले गमगढीमा सडकको ट्र्याक खोलेर मात्र सरकार जिम्मेवारबाट पन्छिन नमिल्ने बताए । समग्र कर्णाली राजमार्गको स्तरोन्नति गर्नुपर्ने, मुगु जिल्लासँग जोडिएको चीनको स्वशासित क्षेत्र तिब्बत नाक्चे लाग्नासम्म नै नेपाली सेनामार्फत सडक निर्माण गरी जिल्लालाई उत्तर–दक्षिण सडक सञ्जालमा जोड्नुपर्ने सुझाव दिए ।

पूर्व जिविस सभापति मोहन बानियाँले मुगु जिल्लालाई मध्यविन्दु बनाई उत्तरी चीन र दक्षिण भारतबीचको व्यापारिक केन्द्र बनाउन प्रधानमन्त्रीलाई आग्रह गरे ।

कुल ९४ किमि लम्बाइ रहेको कर्णाली राजमार्गअन्तर्गत नाग्म–गमगढी सडक कालीकोट जिल्लाको नाग्मगाढबाट सुरु भई मुगु जिल्लाको सदरमुकाम गमगढीमा पुग्छ । २ चैत २०६४ मा शिलान्यास गरिएको यो खण्ड निर्माण गर्न चार वर्ष र रु. एक अर्ब ५८ करोड लागत लागेको थियो ।   सेनामार्फत रु ५४.२४ करोड खर्च भएको र नाग्मा–गमगढी ९४ किमिमध्ये ताल्चा–गमगढी सडकखण्ड लम्बाइ ९ किमि विकेन्द्रित ग्रामीण पूर्वाधार तथा जीविकोपार्जन सुधार कार्यक्रमबाट रु. नौ करोड सम्पन्न मोटरबाटो खोल्ने काम सम्पन्न भएको सेनाको सडक निर्माण कार्यदल (नाग्म–गमगढी) काप्रमुख इन्जिनियर सञ्जय केसी र मुगुका इन्जिनियर शैलेन्द्र शाहले जानकारी दिए ।रासस

प्रतिकृया दिनुहोस