यस दिन छोरीको विवाह गर्दा सीताझैं दुःख, कष्ट हुन्छ भन्ने लोक मान्यता रहेको छ । करिब नौ लाख वर्ष पूर्व त्रेतायुगमा मार्गशीर्ष शुक्ल पञ्चमी तिथिमा अयोध्या नरेश  राजा दशरथको जेष्ठ पुत्र राम तथा जनकपुत्री सीताको विवाह सम्पन्न भएको मानिन्छ ।

विवाह पश्चात् सीताको १४ वर्षको वनवास, अग्निपरीक्षा दिनु र वनवासबाट फर्केपछि फेरि जङ्गल प्रस्थान गर्नु र अन्तमा पृथ्वीमा विलुप्त हुनुजस्ता कारणले पनि मिथिलावासीमा विवाहपञ्चमीको दिन छोरीको विवाह नगर्ने परम्परा छ । “विवाहपछि सीतालाई कष्ट भएकाले मिथिलावासी यो दिन छोरीको विवाह गर्दैनन्,” जानकी मन्दिरका महन्थ रामतपेश्वर दास वैष्णव भन्छन ।

साहित्यकार डा राजेन्द्र विमलका अनुसार यो समयमा विवाह भएका कारण सीता सुखी नरहेको विश्वासमा मिथिलाबासीले पनि यो समयमा छोरीको विवाह नगरेका हुन् । रासस

प्रतिकृया दिनुहोस