गावस्कर, पूर्व मुख्य चयनकर्ता श्रीकांत र अन्य खेलाडीहरुले धोनीबाट टोली नेतृत्व फिर्ता लिइनुपर्ने भन्दै उनको सट्टा विराट कोहलीलाई लिइनुपर्ने सुझाव दिएका छन् ।

धोनीको नेतृत्वमा भारतीय क्रिकेट टीमले पछिल्लो १८ महीनामा निराशाजनक प्रदर्शन गरेको छ । यस अवधिमा भारतले बेलायत र अष्ट्रेलियामा सीरीज नै हार्नुपर्‍यो । गृह मैदानमै बेलायतसँग हार व्यहोरेपछि धोनीको सबैभन्दा बढी आलोचना भएको हो ।

प्रेस ट्रस्ट अफ इण्डियाका अनुसार नागपुर टेस्ट भएपछि गावस्करले धोनी पूरै सीरीजमा सम्हालिन नसकेको प्रतिक्रिया दिए । त्यस्तै, गावस्करसँग सफल सलामी जोड़ी बनाएका ब्याट्सम्यान श्रीकांतले त धोनीको कप्तानीलाई बासी भइसकेको आरोप लगाएका छन् । “धोनी बासी भइसकेका छन्, उनलाई अप्ठ्यारो अवस्थामा के गर्ने भन्ने पनि थाहा छैन,” श्रीकांतले भने, “उनलाई कप्तानबाट हटाउनु पर्छ, म चयनकर्ता भए धोनीलाई नेतृत्वबाट हटाएर विकेटकीपर बनाउँथे ।”

गावस्करले कोहलीलाई कप्तान बनाउनपर्नेमा जोड दिंदै नेतृत्वमा परिवर्तनलाई सकारात्मक रुपमा लिइनु पर्ने बताएका छन् । पूर्व क्रिकेटर अब्बास अली बेगले पनि धोनीको ठाउँमा कोहलीलाई भारतीय क्रिकेट टोलीको नेतृत्व दिइनुपर्ने बताएका छन् ।

प्रतिकृया दिनुहोस