जिल्ला प्रहरी कार्यालयमा अभियुक्त सूर्यनारायणलाई सार्वजनिक गर्दै प्रहरी । तस्वीर: श्रवणकुमार देव

चारवटा अपहरण, दुई डकैति र एक हातहतियार तथा खरखजाना मुद्दाका अभियुक्त सप्तरीको बसबिट्टी–८ का सुरजा भनिने २७ वर्षीय सूर्यनारायण मण्डललाई ३ पुसमा नियन्त्रण लिइएको जिल्ला प्रहरी कार्यालयका डिएसपी गोबिन्द अधिकारीले जानकारी दिए ।

मण्डललाई सार्वजनिक गर्न आयोजित पत्रकार सम्मेलनमा डिएसपी अधिकारीले मण्डलले दुई वर्षअघि राजविराजका १६ बर्षीय सुशान्त सिंहको अपहरण गरी रु डेढ् लाख फिरौति लिएको, कल्याणपुर ६ का भिखन चौधरीको अपहरण गरेको, २० असोज २०६९ मा बसबिट्टी ६ का राजकुमार राम र २ मंसीर २०६९ मा बसबिट्टीकै रमेशकुमार दासलाई अपहरण गरेको अभियोग लागेको छ ।

यस्तै, मण्डल सहितकाले रायपुर गाविस योगेन्द्र प्रसाद यादवको घरमा २६, जेठ २०६९ मा डाँका गरी रु १ लाख ६० हजार र २७, असार २०६७ मा डिमन ६ निवासी तत्कालिन सभासद् रमणी देवी रामको घरमा डाँका गरी रु २ लाख ६४ हजार बराबरको धनमाल लुटपाट गरेको डिएसपी अधिकारीले बताए ।

सप्तरी प्रहरीले यसअघि २७, मंसिरमा सात जनाको हत्या, ४ जनाको अपहरणसहित बिभिन्न १४ वटा घटनाका अभियुक्त सप्तरीकै कमलेश यादवलाई नियन्त्रणमा लिएको थियो । श्रवणकुमार देव, सप्तरी

प्रतिकृया दिनुहोस