‘टेन डाउनिङ स्ट्रिट’ स्थित प्रधानमन्त्री कार्यालयमा महारानी एलिजावेथ

बेलायतको सार्वभौमसत्ताका प्रतिक ८६ वर्षीया महारानी प्रधानमन्त्री डेभिड क्यामरुनको लन्डनको मध्यभागमा अवस्थित ‘टेन डाउनिङ स्ट्रिट’ स्थित कार्यालयमा प्रवेश गरेकी थिर्यन् । त्यहाँ सरकारका वरिष्ठ मन्त्रीहरूको उपस्थिति थियो ।

महारानी आफ्नो शासनको ६० औँ वर्षको अवसरमा मन्त्रिपरिषद्को उपहार स्वीकार गर्न त्यहाँ पगेकी थिइन् र उनी मन्त्रिपरिषद्को बैठकमा पर्यवेक्षकको रूपमा उपस्थित भएको बकिङघम प्रासादले जानकारी दिएको छ ।

ऐतिहासिक रूपमा राजसंस्थाले मन्त्रिपरिषद्को बैठकको अध्यक्षता गर्ने चलन रहेको थियो र वर्तमान महारानीका जिजुहजुरआमा महारानी भिक्टोरियाले अन्तिम रूपमा यस्तो बैठकमा भाग लिनुभएको थियो । सन् १९०१ मा उनको देहावसान भएको थियो ।

मन्त्रिपरिषद्को बैठक सामान्यतया डेढ घन्टाका लागि बस्ने गर्छ र महारानी उक्त बैठकमा ३० मिनेटसम्म उपस्थित रही विदेशमन्त्री विलियम हेगसँगै विदेशमन्त्रालयको भ्रमणमा जाने कार्यक्रम रहेको थियो । विदेशमन्त्रालय डाउनिङ स्ट्रिटको अर्को भागमा रहेको छ ।

मन्त्रिपरिषद्को बैठकमा महारानी प्रधानमन्त्री क्यामरुन दायाँतर्फ तथा विदेशमन्त्री हेग बायाँतर्फ रही उहाँहरूको बीचमा बस्ने व्यवस्था गरिएको थियो ।

बेलायतको मन्त्रिपरिषदका लागि तत्कालिन प्रधानमन्त्री ह्यारोल्ड म्याकमिलनले हरियो डुङ्गा आकारको टेबुलको व्यवस्था गरेका थिए । उनी सन् १९५७ देखि १९६३ सम्म बेलायतका प्रधानमन्त्री रहेका थिए ।

जुलाइ महिनामा पनि महारानी एलिजावेथ डाउनिङ स्ट्रिटमा आएकी थिईन् र उक्त समयमा प्रधानमन्त्री क्यामरुनले भोजको आयोजना गरेका थिए । उक्त कार्यक्रममा पूर्व प्रधानमन्त्री गोर्डोन ब्राउन, टोनी ब्लेयर तथा जोन मेजरको पनि उपस्थिति थियो ।

महारानी एलिजावेथको शासनकालमा १२ जना प्रधानमन्त्री बनेका छन् । पहिलो प्रधानमन्त्री विन्स्टन चर्चिल थिए । उनले हालसम्म मन्त्रिपरिषद्को बैठकमा भाग लिएका छैनन् र बेलायतको कानुनमा महारानीले यस्तो बैठकमा भाग नलिने व्यवस्था पनि छैन ।

बेलायतमा महारानी एलिजावेथ राष्ट्रप्रमुख भएपनि उनी राजनीतिक रूपमा तटस्थ छिन् । उनले प्रधानमन्त्रीलाई साप्ताहिक रूपमा भेट्छिन् र उनलाई यस भेटमा सरकारी विषयमा आफ्नो धारणा राख्ने अधिकार छ । एएफपी

प्रतिकृया दिनुहोस