चीन सरकारको अनुदान सहायतामा चक्रपथअन्तर्गतको उक्त सडकखण्ड विस्तार गर्नेसम्बन्धी सम्झौतापत्रमा सडक विभाग र साङ्घाइ कन्सट्रक्सन ग्रुपबीच ३ मंसीरमा हस्ताक्षर भएको छ ।

चिनियाँ प्रधानमन्त्री वेनजिया बाओको गत वर्ष ३० पुसमा भएको नेपाल भ्रमणका बेला चक्रपथ विस्तारको सैद्धान्तिक सहमति भएअनुरूप आगामी तीन महिनाभित्र निर्माण प्रारम्भ हुने उक्त सडक विस्तारमा चार अर्ब रुपैयाँ लाग्नेछ । दायाँबायाँ चार लेनको दुईतर्फी सडक र दुबैतर्फएकएक लेनको साइकल लेन र पदयात्री मार्ग निर्माण गरिने र तीनस्थानमा आकाशेपुल बनाइने सडक विभागले जनाएको छ ।

चीनबाट दुई सयजना मुख्य कामदार र आवश्यक उपकरण ल्याइने भएकाले ती श्रमिकलाई आवासको व्यवस्था गर्न र उपकरण आयातमा कम्तीमा दुई महिना लाग्ने भएकाले तीन महिनापछि काम शुरु हुने भएको हो ।

प्रतिकृया दिनुहोस