भारतीय क्रिकेट बोर्डका सचिव सञ्जय जगदाले एक वक्तव्य जारी गर्दै सचिनले वनडे क्रिकेटबाट संन्यास लिएको बताएका छन् । वक्तव्यमा सचिनले वनडे खेलबाट ‘रिटायरमेन्ट’ लिने बताएको र आफू विश्वकप जित्ने भारतीय टीमको सदस्य भएकोमा खुशी समेत व्यक्त गरेको उल्लेख छ । सचिनले भारतीय क्रिकेट टिमलाई भविष्यका लागि शुभकामना पनि दिएका छन् ।

भारत र पाकिस्तानबीच हुने वनडे क्रिकेटका लागि खेलाडीहरु चयन हुनुअघि यो वक्तव्य आएको हो ।

यस बारेमा सीएनएन आईबीएनलाई प्रतिक्रिया दिंदै भारतीय क्रिकेटका पूर्व चयनकर्ता श्रीकान्तले आफू यो खबरबाट चकित भएको बताएका छन् । उनले भने, “सचिनले आफ्नो वनडे करिअरमा ‘करिष्मा’ गरेका छन्, आफ्नो करिअरको शीर्षमा रहेकै बेला रिटाएर हुनु उपलब्धिपूर्ण मान्नुपर्छ ।”
सचिनले ४६३ वटा वनडे म्याच खेले जसमा ४५२ इनिङमा १८४२५ रन बनाएका छन् । वनडे क्रिकेटमा यो सबैभन्दा बढी रन हो । वनडे क्रिकेटमा सर्वाधिक २०० रन (दोहोरो सतक) पनि सचिनकै नाममा छ । सचिनको रन औसत ४४.८३ प्रतिशत छ जुन ४६३ म्याचको हिसाबले उत्कृष्ट हो । एकदीवसीय खेलमा ४९ शतक बनाएका सचिनको नाममा ९६ अर्धशतक पनि सामेल छन् ।

प्रतिकृया दिनुहोस