यादवले १० पुसमा सुनसरीको इटहरीमा रिपोर्टर्स क्लबद्वारा आयोजित पत्रकार सम्मेलनमा जनविश्वास गुमाइसकेको वर्तमान सरकार नै देशमा उत्पन्न राजनीतिक सङ्कटका लागि मुख्य जिम्मेवार भएको टिप्पणी गरे । “यो सरकारको बहिर्गमन नै निकासका लागि अन्तिम विकल्प हो,” उनले भने ।

भ्रष्टाचार र कमिसनलाई संस्थागत रुप दिन वर्तमान सरकार सक्रिय रहेको आरोप लगाउँदै उनले बेथिति, कुशासन र महङ्गीका कारण जनताले अहिलेसम्मकै नालायक सरकारको अनुभूति गरिरहेको बताए । यादवले थपे,“सरकार भ्रष्टहरुको अखाडा भएको छ ।”

जनताले दिएको संविधान निर्माणको अवधिलाई केही राजनीतिक दलका शीर्ष नेताहरुले खेलाँचीका रुपमा प्रयोग गरेको र संविधान निर्माणामा भन्दा सत्ताकेन्द्रित रहेकाले नै संविधान जारी हुन नसकेको ठोकुवा गर्दै नेता यादवले वर्तमान सरकार राष्ट्रिय सहमतिको सरकार बन्न नसक्ने बताए ।

यादवले वर्तमान सरकारको बहिर्गमन नभए आन्दोलनबाट नै विस्थापित गर्नुपर्छ भनेका थिए ।

प्रतिकृया दिनुहोस