थप समाचारशुक्रबार, पौष १३, २०६९

चीनद्वारा ग्लोबल पोजिस्निङ स्याटलाइट प्रणाली आरम्भ

हिमालखबर

चीनले एसिया प्रशान्त क्षेत्रमा आफ्नै घरेलु स्याटलाइट नेभिगेसन सञ्जाल स्थापना गरेको छ ।

बेइदु नाम गरेको यस प्रणालीले १३ पुस देखि आफ्नो सेवा उपलब्ध गराउन थालेको छ र यसले सन् २०२० सम्म विश्वभर यस्तो सेवा उपलब्ध गराउने लक्ष्य लिएको छ ।

चाइना स्याटेलाइट नेभिगेसन अफिसका रन गेङकीले यस प्रणालीले अमेरिकी ग्लोबल पोजिस्निङ सिस्टमले जस्तै कार्य गर्नसक्ने बताए । यो चीनको अन्तरिक्ष प्रविधिमा पछिल्लो उपलब्धि हो र उसले यस दशकको अन्त्यसम्म अन्तरिक्ष केन्द्र स्थापना गर्ने र चन्द्रमामा मानवसहित अभियान पठाउने लक्ष्य राखेको छ ।

चीनले यो अरबौँ अमेरिकी डलरको कार्यक्रमलाई आफ्नो विश्वव्यापी स्तर, बढ्दो प्राविधिक क्षमता तथा कुनै बखत गरिब मुलुकलाई स्रोत उपलब्ध गराउने प्रमुख एक साधनको रूपमा लिएको छ ।

बेइदु प्रणालीमा १६ वटा सञ्चालन गर्न सकिने स्याटेलाइट छन् र अन्य चार परीक्षणमा रहेका स्याटलाइट रहेका छन् । बेइदुले चीन तथा छिमेकी मुलुकमा सीमित पोजिसनिङ सेवा दिएपछि यो व्यापारिक रूपमा अगाडि आएको हो ।

चीनले अमेरिकी जीपीएस प्रणालीमा भरनगर्न सन् २००० देखि यो प्रणाली निर्माण गर्न थालेको हो । यस संस्थाका प्रणाली इन्जिनियर सन जियादोङले बेइदुले राम्रोसँग काम गर्न थालेपछि यसले चीनमा अमेरिकी जीपीएसको ९५ प्रतिशत बजार प्राप्त गर्ने बताए । एएफपी

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...