जेठ १४ गते संबिधान सभा भंग हुनुअघि विपक्षी दलहरुले सर्वोच्च अदालतको आदेश अनुसार विकल्पको व्यवस्थाका लागि बारम्बार आग्रह गर्दा पनि एकलौटी रुपमा वर्तमान सरकारले निर्वाचनको घोषणा गरेको उनले बताए । सत्ता कब्जा गरी अधिनायकवाद लाद्ने उद्देश्यले वर्तमान सरकारले हुनै निर्वाचनको घोषणा गरेको उनको भनाई थियो ।

नेपाल शिक्षक संघको सातौं जिल्ला अधिबेशनको उद्घाटन गर्न पाँचथर सदरमुकाम फिदिम आइपुगेका केसीले १४ पुसमा पत्रकार सम्मेलनमा बोल्दै एमाओबादीले २०६४ सालमा सम्पन्न संबिधान सभाको निर्बाचन पछि २ पल्ट सरकारकोे जिम्मेवारी सम्हाल्नुका साथै स्रंबिधान सभामा सबैभन्दा ठूलो दलका रुपमा रहेर पनि गैरजिम्मेवारी काम गरेकाले मुलुक अहिले जनप्रतिनिधि बिहिन अवस्थामा पुगेको केसीले धारणा राखे ।

एमाओबादी अध्यक्ष पुष्पकमल दाहालले पटक पटक कांग्रेसलाई प्रधानमन्त्रीको नाम दिन आग्रह गरेपछि आफुहरुले पार्टी सभापतिको नाम सर्बसम्मत निर्णय गरेको पनि केसीले स्पष्ट पारे । नाम सिफारिस पछि पुनः भट्टराई नेतृत्वको सरकारमा एकदिन भएपनि सामेल हुन आग्रह गर्दै उनले अर्को नाटकको शृंखला शुरु गरेको बताए ।

नेपाली कांग्रेसका लागि सत्ता कुनै नौलो कुरा नभएको र सत्ता टाढा पनि नभएकाले कसैसँग हार गुहार गरेर प्रधानमन्त्री नबन्ने भन्दै केसीले कांग्रेसको नेतृत्व बाहेक अरु कसैले निष्पक्ष निर्बाचन र मुलुकलाई निकास दिन नसक्ने भएकाले अबको सरकारमा कांग्रेस बाहेक कुनै पनि दलको नेतृत्व हुन नसक्ने अडान प्रस्तुत गरेका थिए । लक्ष्मी गौतम, पाँचथर

प्रतिकृया दिनुहोस