८ पुसमा कावासोतीको एक विद्यालयमा पसेको बाघ नियन्त्रणमा लिईंदै ।

नारायणी नदीमा माछा मार्दै गरेको अबस्थामा चितवन राष्ट्रिय निकुञ्जबाट निस्केको बाघको आक्रमणमा परी रजहर –२ का ६५ बर्षीय ‘बिखाराम’ भन्ने सीताराम बोटेको मृत्यु भएको ईलाका प्रहरी कार्यालय रजहरले जनाएको छ । त्यसैगरी चितवन राष्ट्रिय निकुञ्जभित्र खरखडाई (घाँस, दाउरा, खर काट्न) मा जाँदा भालुको आक्रमणमा परेर चार जना घाईते भएका छन् । घाईते मध्ये दुई जनाको अबस्था गम्भीर भएको मध्यबिन्दु अस्पताल डण्डाले जनाएको छ ।

घाईतेहरुमा अग्यौली –४ की टिकाकुमारी कार्की, कुमारवर्ती– ७ की रुक्मीना लामिछाने, हरिकला अधिकारी र जेदुनाथ पाण्डे रहेका छन् । उनीहरुलाई स्थानीयबासीले जंगलबाट उद्धार गरी अस्पताल ल्याएका थिए । भालुको आक्रमणमा परी गम्भीर घाईते भएकी टिकाकुमारी कार्की र रुक्मीना लामिछानेको थप उपचारका लागि भरतपुर रिफर गरिएको छ ।

पुस, माघ र फागुनमा खरखडाई खुल्ने हुदा निकुञ्ज क्षेत्रमा मान्छेको चहलपहल बढ्ने गर्दछ भने सोही बेला जंगली जनावरहरु आहाराका लागि बस्ती भएको ठाउँमा प्रबेश गर्छन् । केही दिन अगाडि कावासोतीको एक नीजि स्कुलमा बाघ पसेको थियो । विद्रोही गिरी, नवलपरासी

प्रतिकृया दिनुहोस