१४ पुसमा भएको फाइनल खेलमा नेपाल प्रहरीले सशस्त्र प्रहरी बल (एपिएफ) लाई १–० गोलले पराजित गरी उपाधि जितेको हो । निकै प्रतिष्पर्धात्मक रहेको खेलमा प्रहरीका लागि कप्तान चन्द्रा भण्डारीले १५ औँ मिनेमा पेनाल्टीमार्फत गोल गरेकी थिइन् ।

प्रहरीले जितसँग रु तीन लाख नगद हात पार्‍यो भने उपविजेता एपिएफले रु एक लाख ५० हजार हात पार्‍यो । प्रतियोगिताअन्तर्गत आजै तेस्रो स्थानका लागि भएको खेलमा घरेलु टिम सुदूरपश्चिमाञ्चल र नेपाल आर्मीबीचको खेल गोलरहित बराबरीमा सकिए पनि अङ्क तालिकाका आधारमा आर्मी विजयी बन्यो । आर्मीले रु ७५ हजार हात पा¥यो भने चौथो हुने सुदूरपश्चिमाञ्चलले रु ५० हजार प्राप्त गर्‍यो ।

प्रतियोगिताअन्तर्गत उत्कृष्ट खेलाडी घोषित पुलिसकी कप्तान चन्द्रा भण्डारीले पुरस्कारस्वरुप एउटा स्कुटर प्राप्त गरिन् । त्यसैगरी उत्कृष्ट गोलरक्षकमा पुलिसकै नमिताकुमारी थली घोषित भइन् भने उत्कृष्ट मिडफिल्डर आर्मीकी रेनुका नगरकोटी भइन् ।  त्यस्तै उत्कृष्ट डिफेन्डरमा सुदूरुपश्चिमका अमृत जैसी, उत्कृष्ट फरवार्डमा एपिएफकी अनु लामा र उत्कृष्ट प्रशिक्षकमा पुलिसका सन्देश श्रेष्ठ छनोट भए । उनीहरूले जनही रु २५ हजारका दरले नगद प्राप्त गरे ।

अखिल नेपाल फुटबल सङ्घ र कैलाली फुटबल सङ्घको संयुक्त आयोजनामा “हाम्रो गोल, महिला हिंसाविरुद्धको बोल” भन्ने नारासहित ३० मंसीरदेखि शुरु उक्त प्रतियोगितामा तीन विभागीय टोलीसहित पाँच विकास क्षेत्रका एकएक गरी आठ टिमको सहभागिता थियो ।

प्रतिकृया दिनुहोस