रेडियो नेपालबाट १६ पुस बिहान प्रसारित ‘अन्तरसंवाद कार्यक्रम’ मा नेपाली कांग्रेसका नेता मनमोहन भट्टराईबाट व्यक्त गरिएको विचारप्रति सरकारले रेडियो नेपालका कार्यकारी निर्देशक सुरेश कार्की र कार्यक्रम प्रस्तोता प्रमोद दाहालसँग स्पष्टीकरण सोधिएकोप्रति नेपाल प्रेस युनियन र प्रेस चौतारी नेपालले विरोध जनाएका छन् ।

युनियनका महासचिव शिव लम्सालले जारी गरेको विज्ञप्तिमा कांग्रेस नेता भट्टराईले प्रधानमन्त्रीका विषयमा दिएको अभिव्यक्तिलाई लिएर स्पष्टीकरणका लागि बोलाउने काम प्रेस तथा अभिव्यक्ति स्वतन्त्रता विरोधि र लोकतन्त्रका न्युनतम मूल्य मान्यताको ठाडो उपहास भएको उल्लेख गरिएको छ । यसैगरी चौतारीका सचिव लक्की चौधरीले जारी गरेको विज्ञप्तिमा सञ्चारकर्मी र सञ्चारमाध्यमले स्वतन्त्रता र निर्भयतापूर्वक समाचार सङ्कलन गर्न प्रसारण र प्रकाशन गरेर जनताको सुसूचित हुन पाउने हकमाथि नै बन्देज लगाउने कुनै कार्य सरकारबाट नहोस् भन्ने आग्रह गरिएको छ ।

१६ पुस बिहानको ‘अन्तरसंवाद’ कार्यक्रममा कांग्रेस केन्द्रीय सदस्य भट्टराईले ‘बाबुराम भट्टराई हिन्दुस्तानको एजेन्ट हो र हिन्दुस्तानले पनि हामीले बनाएको प्रधानमन्त्री हो भन्ने गरेको छ र प्रधानमन्त्री पनि त्यसैमा गर्व गर्नुहुन्छ, यसमा मलाई दुख लाग्छ’ भनेका थिए । अफूलाई गाली गरेको उक्त अन्तर्वाता किन प्रसार गरेको भनेर प्रधानमन्त्रीले सञ्चारमन्त्री राजकिशोर यादवललाई फोन गरी कार्वाहीको लागि निर्देशन दिएका थिए ।

प्रतिकृया दिनुहोस