पुरस्कार राशी दुई लाखबाट बढाएर तीन लाख २५ हजार रुपैयाँ बनाउँदै ट्रष्टले दोस्रो प्रतियोगिता गर्न लागेको हो । ट्रष्टले २० पुसमा पत्रकार सम्मेलन गरी प्रतियोगितामा १२ टीमको सहभागिता रहने जनाएको छ । सचिव श्याम पौडेलका अनुसार, दोस्रो हुनेलाई एक लाख ५० हजार, उत्कृष्ठ खेलाडी र सर्बाधिक गोल गर्नेलाई २५, २५ हजार दिइने छ ।

प्रतियोगितामा हिमालयन शेर्पा, थ्री स्टार, एनआरटी, आरसीटी, मछिन्द्र, नेपाल प्रहरी, त्रिभुवन आर्मी, पूर्वाञ्चल ११, फ्रेण्ड्स क्लव, जाउलाखेल, संकटा क्लवको सहभागिता रहने छ । यस्तै भुटानको थिम्पु ११, सिकिमको सिकिम ११, कलकत्ताका जर्ज टेलिग्राफ, स्टर्न रेलवे, मोहन बगान, इष्ट वंगाल, मोहमडन स्पोर्टीङ क्लव, पटनाको पटना ११ र जम्सेदपुरको टाटा एकेडेमिलाई पनि आमन्त्रण गरिएको ट्रष्टले जनाएको छ ।

दुई लाख दर्शकले हेर्ने अनुमान गरिएको प्रतियोगितामा ३५ लाख ४० हजार खर्च हुने अनुमान गरिएको छ । महेन्द्र गोल्डकप फुटवल ट्रष्टको नाम परिवर्तन गरी गत वर्षबाट विराट गोल्डकप बनाइएको ट्रष्टले यस प्रतियोगिताबाट साढे तीन लाख आम्दानी गर्ने लक्ष्य लिएको छ । गत वर्षको फाइनल खेलमा शहिद मैदानमा दर्शक नअटेकाले यस वर्ष बा“सको प्यारापिट बनाएर भएपनि दर्शकलाई सुबिधा दिइने ट्रष्टका अध्यक्ष भीम कु“वरले बताए ।

कमल रिमाल, विराटनगर

प्रतिकृया दिनुहोस