लामा सन् २००५ मे मा गोह्रुसिंगेमा कार्यरत छँदा बन्दीलाई गम्भीर पीडा दिएको भन्ने तेस्रो व्यक्तिको उजुरीका आधारमा पक्राउ गरिएको र उनलाई बेलायती वेस्टमिनिष्टर अदालतमा पेश गरिने त्यहाँको प्रहरीले जनाएको छ । लामामाथि बेलायतको फौजदारी ऐनको दफा १३४ लगाइएको छ । जसले यातनालाई ‘विश्वव्यापी न्यायिक क्षेत्राधिकार’ अपराध भनी ब्याख्या गरेको छ । यो भनेको बेलायतसँग कुनै सरोकार नै नभएका व्यक्तिहरुले पनि अन्य कुनै देशमा यातना दिने अपराध गरेको छ र त्यो व्यक्ति बेलायती भूमीमा भेटियो भने उसले त्यहाँको अदालतको कठघरामा उभिनुपर्छ । यस्तै कानून विभिन्न महासन्धी (जस्तैः जेनेभा महासन्धी)मा हस्ताक्षर गरेका विभिन्न मुलुकहरुमा पनि छ ।

नेपाल सरकारले कर्णेल लामाको पक्राउप्रति आपत्ति जनाउँदै बेलायती सरकारलाई नेपालस्थित बेलायती राजदूतमार्फत विरोध पत्र बुझाइसकेको छ । नेपाल सरकारलाई कुनै जानकारी नै नदिई संयुक्त राष्ट्रसंघीय मिसनमा कार्यरत सैनिकलाई पक्राउ गर्नु विश्वव्यापी न्यायिक क्षेत्राधिकार र नेपालको सार्वभौम सत्ता विरोधी कार्य भएको उपप्रधान एवम् परराष्ट्रमन्त्री नारायणकाजी श्रेष्ठले जनाएका छन् ।

प्रतिकृया दिनुहोस