मीस नेपाल २०१३ का लागि विराटनगरमा राखिएको अडिसनमा निर्णायक बनेर आएकी पूर्व मीस नेपाल सुगरिका केसी । तस्बीरः कमल रिमाल/विराटनगर

राजधानी बाहिर पहिलो पटक छनौटका लागि हिडेको मीस नेपालको आयोजक टोलीलाई विराटनगरमा मोडलिङका इच्छुक युवती भेट्न हम्मे परयो ।

मीस नेपाल २०१३ का लागि सहभागि छनौट गर्न आयोजक हिडेन ट्रेजरले २४ पुसमा विराटनगरमा गरेको अडिसनमा कोहीपनि उपस्थित भएनन् । प्रचारको अभावमा विराटनगरका युवतीहरुले थाहा नपाएकाले छनौट कार्यक्रममा नआएका हुन् ।

निर्णायकका रुपमा आएकी पूर्व मीस नेपाल सुगरिका केसीले विराटनगरका इच्छुकहरुले पनि सहभागिता जनाउन नपाएको बताइन् । इच्छुक मोडलहरु नआएपछि फन एण्ड फुड भिलेज रिसोर्टमा गरिएको छनौट कार्यक्रम स्थगन गरिएको थियो । सा“झमा विराटनगरको नेपाल बजारमा पा“च जना युवतीहरुलाई बोलाएर छनौटको प्रकृया पुरा गरिएको छ ।

काठमाडौमा मात्रै सिमित रहेको मीस नेपालको छनौट कार्यक्रम पहिलो पटक मोफसलमा लगिएपनि प्रचार प्रसारको अभावमा इच्छुक युवतीहरुले थाहा नपाएका हुन् । १८ औं मीस नेपाल प्रतियोगिताका लागि धरानमा पनि छनौट गरिने आयोजकले जनाएको छ । मोडलिङ र फेशन शोहरुमा भाग लिने विराटनगरमा युवतीहरु कमै संख्यामा रहेका छन् ।

–कमल रिमाल/विराटनगर

प्रतिकृया दिनुहोस