प्रतियोगिताको उद्घाटन खेल खेल्दै त्रिभुवन आर्मी क्लब (रातो जर्सी) र नेपाल प्रहरीका खेलाडीहरु ।

जिल्ला भलिवल संघको आयोजनामा परासीमा शुरु भएको सो प्रतियोगिताको उद्घाटन खेल त्रिभुवन आर्मी क्लब र नेपाल प्रहरी बीच भएको छ । पाँच विकास क्षेत्रका पाँच टिम, बिभागीय तीन टिम र आयोजक गरी नौ टिम समावेश हुने बताइए पनि तीन विकास क्षेत्रले खेलमा सहभागीता नजनाएका कारण ६ टिमबीच मात्रै खेल हुने भएको छ ।

तीन पटक सम्म लगातार आयोजना गरिएको यो खेलमा त्रिभुवन आर्मी क्बलले भने पहिलो पटक सहभागीता जनाएको हो । नेपाल एपीएफ क्लब, नेपाल पुलिस क्बल, त्रिभुवन आर्मी क्बल, पश्चिमाञ्चल, मध्यपश्चिमाञ्चल र आयोजक जिल्ला भलिवल संघले खेलमा सहभागीता जनाएका छन् ।

राष्ट्रिय खेलाडी सरोज महतोलाई सम्मान गरिंदै । कार्यक्रममा महतो सहित आठ जना खेलाडीलाई सम्मान गरिएको छ ।

खेलमा प्रथम हुनेलाई नगद रु ५० हजार , द्वितियलाई रु ३० हजार र तृतीय हुनेलाई रु २० हजार पुरस्कार दिइने आयोजकले जनाएको छ ।
विद्रोही गिरी, नवलपरासी

प्रतिकृया दिनुहोस