थप समाचारशुक्रबार, पौष २७, २०६९
घाटा बढेपछि सोनीले टेकियो र न्यू योर्कका भवन बेच्ने
लगानी प्रवद्र्धनका साथै आर्थिक मन्दी हटाउनलाई व्यावसायिक पुनसंरचनाको कामलाई अघि बढाएको सो कम्पनीले व्यवसायमा थप लगानीका लागि सो भवन बेच्न लागेको बताएको छ ।
विगत वर्षदेखि कठिन अवस्थाको सामना गरिरहेको सो कम्पनीले गतवर्षमात्र अन्य क्षेत्रबाट स्रोत जुटाएर क्यामेरा र मेडिकल साधनको उत्पादनका लागि करिब ५० अर्ब येन लगानी गरेको थियो । सो भवन सन् २०११ को मार्च महिनामा मात्र निर्माण गरिएको थियो । तर व्यावसायिक उत्पादनमा लगानीकै लागि सो भवनको बिक्री गर्न लागिएको सो कम्पनीले जनाएको छ ।
जापानको एक दैनिक पत्रिका निकी बिजनेस डेलीले सो भवनको बिक्री दर नराखिकने आज प्रकाशन गरेको समाचारमा जनाएको छ । हाल सो कम्पनीले ओलम्पसमा लगानी गर्न लागेको जनाएको छ । सो लगानीका लागि यो भवनको बिक्रीबाट आएको रकम पर्याप्त हुने जानकारहरू बताउँछन् ।
जापानको ओसाकी जिल्लामा रहेको २५ तल्ले सो भवनका दुईवटा भूमिगत हल रहेका छन् । सो भवनमा हाल उक्त कम्पनीको टेलिभिजन विभाग रहेको पनि उक्त दैनिकले जनाएको छ । सो भवनमा हाल करिब पाँच हजारजना कर्मचारीले काम गरिरहेका छन् । टोकियोको सो भवन हाल त्यहाँका ठूला भवन मध्येमा पर्दछ ।
त्यसैगरी उक्त दैनिक पत्रिकाले सोनीले अमेरिकाको न्यू योर्कस्थित म्यानहटनमा रहेको अर्काे भवन पनि बेच्ने योजना बनाएको बताएको छ । सन् २०११ को मार्च महिनामा जापानमा गएको महाभूकम्प र सुनामीका कारण त्यहाँका विश्वप्रसिद्ध कम्पनीले पनि घाटा व्यहोरिरहेका छन् ।
यसै समयमा जापानको विश्वप्रसिद्ध कार उत्पादक कम्पनी टोयोटाले पनि इतिहासमै पहिलोपटक ठूलो मात्रामा घाटा व्यहोर्नुपरेको बताएको थियो । रासस/एएफपी