करिव तीन सातादेखि भेन्टिलेटरमा राखिँदै आएका बास्तोलाको स्वास्थ्यमा सुधार हुन थालेपछि दुई दिनअघि भेन्टिलेटर हटाई अक्सिजन दिन थालिएको उनका आफन्त प्रमोदचन्द्र शर्माले जानकारी दिए । बास्तोलाको अहिले पनि बेहोश अवस्थामै उपचार भइरहेको छ ।

मस्तिष्कको शल्यक्रियापछि निस्कने गरेकोे पीप र पानी पूर्णरुपले बन्द भइसकेको र घाउ पनि चार पाँच दिनभित्र सुक्ने उपचारमा संलग्न चिकित्सकलाई उद्धृत गर्दै शर्माले बताए । मस्तिष्कघात दाहिनेपट्टि भएकाले यसको कुप्रभाव अन्य अङ्गमा पर्ने सम्भावना न्यून रहेको बताइन्छ ।

दुई साताभित्र उनको स्वास्थ्यमा व्यापकरुपमा सुधार हुने चिकित्सकहरुले बताएका छन् । गत १४ पुसमा मस्तिष्कघात भएपछि बास्तोलाको सिलगुडीस्थित न्यूरो अस्पतालमा शल्यक्रिया गरिएको थियो । त्यसपछि उनलाई १६ पुसमा भारतको नयाँ दिल्ली नजिक गुडगावँस्थित मेदान्त अस्पताल लगिएको थियो ।
रासस

प्रतिकृया दिनुहोस