जिल्ला प्रहरी कार्यालय पाल्पा र श्रीनगर यातायात ब्यावसायी संघले ४ माघमा तानसेनमा आयोजना गरेको चालक परिचय पोशाक बितरण कार्यक्रममा बोल्दै महानिरीक्षक रानाले सार्वजनिक सवारी साधन चालकहरुलाई मादक पदार्थ गरेर यात्रुको जीवन जोखिममा पार्ने अधिकार नभएको बताए । कार्यक्रममा रानाले भने, “मापसे गरेर सवारी हाँक्नु सिधै हत्यारा बन्न खोज्नु हो ।”  उनले दैवी बिपक्ती भन्दा सवारी दुर्घटनामा ज्यान जानेहरू चार गुणा बढी भएको उल्लेख गरे ।

प्रहरी नायब महानिरीक्षक तथा पश्चिम क्षेत्रीय प्रहरी प्रमुख रमेशशेखर बज्राचार्यले चालकलाई परिचय पत्र र पोशाक अनिवार्य गर्दा दुर्घटना न्यूनिकरणमा सहयोग पुग्ने बताए । कार्यक्रममा श्रीनगर यातायात ब्यासायी संघमा आबद्ध ५० चालकलाई सवारी चालक पोशाक बितरण गरिएको थियो ।

प्रतिकृया दिनुहोस