वीरगञ्जका ठूला सुन व्यापारीको हत्या तथा लुटपाट गर्ने उद्देश्यले आएका पाँचजना भारतीय अपराधीलाई प्रहरीले ५ माघ राति हतियारसहित पक्राउ गरेपछि उनीहरुको योजान विफल भएको छ ।

हत्या एवम् लुटपाटको योजनासहित भारतीय अपराधी जिल्ला छिरेको पूर्वसूचनाका आधारमा जिल्ला प्रहरी कार्यालयबाट खटिएको प्रहरी टोलीले वीरगन्जको घण्टाघर लिङ्करोडमा अवस्थित रेडरोज गेस्टहाउस र कुम्हालटोलमा छापामारी तीन थान नलकटुवा पेस्तोल र १२ थान गोलीसहित भारत विहार बेतिया निवासी पाँचजना अपराधीलाई पक्राउ गरेको प्रहरी उपरीक्षक पिताम्बर अधिकारीले जानकारी दिए ।

लोडसेडिङ्को मौकाछोपी अभियुक्तहरुले वीरगञ्जका ठूला सुन व्यापारीलाई लुटपाट गर्नुका साथै हत्यासमेत गर्ने योजना बनाएको उपरीक्षक अधिकारीले बताए । अभियुक्तहरुलाई जिल्ला प्रहरी कार्यालयले ६ माघमा पत्रकारसम्मेलन गरी सार्वजनिक गरेको छ । उनीहरुबारे थप अनुसन्धान भइरहेको प्रहरीले जनाएको छ ।
रासस

प्रतिकृया दिनुहोस