थप समाचारसोमबार, माघ ८, २०६९

बलात्कार घट्नाको साक्षी बनेकै कारण दम्पत्तिको हत्या

हिमालखबर

बाबुआमाको हत्या भएपछि भट्टराई दम्पत्तिका दुई छोरा र एक छोरी अलपत्र परेका छन् ।

हत्याका मुख्य नाइके हरिहरपुर–६ का रामचलितर यादवले अन्य ६ जनासँग मिलेर गत १६ पुसमा डम्बर भट्टराई र निजकी पत्नी कौशिलाको हत्या गरेको प्रहरीलाई बयान दिएका छन् । रामचलितरले केही महिना अगाडि भट्टराईका छिमेकी धीरेन्द्र साहकी जेठी पत्नीलाई बलात्कार गरेको मुद्दामा भट्टराई साक्षी रहेकाले उनको हत्या भएको प्रहरीले जनाएको छ । पति डम्बर भट्टराईको हत्या गरेपछि अपराधीहरुले सँगै रहेकी पत्नीको पनि घाँटी थिचेर हत्या गरेका थिए ।

“धीरेन्द्रकी पत्नीसँग यादवले जबरजस्ती करणी गरेपछि प्रहरीले जिल्ला अदालतमा मुद्दा दायर गरे पनि यादव र साह मिलिसकेका रहेछन,” घटनाको बिषयमा जानकारी गराउन जिल्ला प्रहरी कार्यालयमा ८ माघमा आयोजित पत्रकार सम्मेलनमा जिल्ला प्रहरी प्रमुख संजयसिंह बस्नेतले भने, “तर भट्टराईले करणी गरेकोबारे साक्षी बकपत्र गर्ने अडान लिएकै कारण यादव र साहसहितकाले हत्या गरेका हुन् ।”

भट्टराई दम्पत्ति हत्याका अभियुक्त रामचलितरलाई सार्वजनिक गर्दै प्रहरी । तस्बीरः रासस

प्रहरीका अनुसार यादवले बलात्कार गरेपछि धीरेन्द्र र उनकी पत्नीलाई मोटो रकम दिएर मिलाईसकेका थिए तर, भट्टराई भने साक्षी बक्ने अडानमै थिए । यादवले आफूहरुले हत्या गरेको सञ्चारकर्मीसमक्ष पनि स्वीकारेका छन् । हत्यामा संलग्न रहेका स्थानीय धीरेन्द्र साह र निजकी पत्नी दुलारीदेवी साहसहित ६ जना फरार रहेको र उनीहरुको खोजी भइरहेको प्रहरीले जनाएको छ ।

चुरे जङ्गल क्षेत्रमा बसोवास गर्दै आएका भट्टराई दम्पतिको हत्यापछि त्यस ठाउँमा बसोवास गर्नेहरु विस्थापित भएका छन् ।

श्रवणकुमार देव, सप्तरी

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...