राजधानीमा ८ माघमा सरस्वती क्लबलाई १–० गोल अन्तरले हराएको आर्मी २८ अंक सहित दोस्रो स्थानमा पुगेको हो । एक खेल कम खेलेको थ्रीस्टारको ३२ अंक छ भने आरसिटी, मछिन्द्र र मनाङको समान २६ अंक छ । आर्मीका राजु तामाङले ७८ औं मिनेटमा गरेको गोल निर्णायक भएको थियो । उता २३ अंक सहित आठौं स्थानमा रहेको सरस्वतीको सुपर एट पुलिसको नतिजामा निर्भर बन्न पुगेको छ । पुलिसले जावलाखेलसँग बराबरी खेले वा पराजित भए मात्रै सरस्वती सुपर एटमा पुग्ने छ ।

आजै भएको अर्को खेलमा अर्को विभागीय टोली सशस्त्र प्रहरी बलको एपिएफ र फ्रेन्डस्ले अंक बाँडेका छन् । १–१ गोलको बराबरी खेलको एपिएफको १६ तथा फ्रेन्डस्को २५ अंक भएको छ । फ्रेन्डस्का लागि डोडाज र एपिएफका लागि अर्जुन सुब्बाले गोल गरेका थिए ।

प्रतिकृया दिनुहोस