सहिद स्मारक रेडबुल ए डिभिजन लिगअन्तर्गत ९ माघमा संकटाले आरसिटीलाई २–१ गोल अन्तरले हराएको हो । जितसँगै संकटाको २० अंक भएको छ भने २६ अंक जोडेको आरसिटी तेस्रो स्थानमा छ ।

युगोलकिशोर राईको गोल मद्दतले ११ औं मिनेटमा लिएको अग्रता कायम राख्न नसक्दा आरसिटीले महत्वपूर्ण तीन अंक गुमाएको हो । संकटाका लागि ४० औं मिनेटमा साम्युल र ९१ औं मिनेटमा सुदीप लिम्बुले गोल गरेका थिए । दुबै टीमको यो लिग चरणको अन्तिम अर्थात १५ औं खेल हो ।

बौद्धको पहिलो र  अन्तिम जित
रेलिगेसनमा परिसकेको दुई टीमबीचको खेलमा बौद्धले बाँसबारीलाई २–० गोलले हराएको छ । सुमन लामा र राजन अधिकारीले गोल गरे ।  बौद्धको यो पहिलो जित हो । १५ खेलमा एक जित, एक बराबरी र १३ हार ब्यवहोरेको बौद्धले जम्मा चार अंक जोड्यो ।तीन बराबरी र एक जित निकालेको बाँसबारी ६ अंकसहित बि डिभिजनमा झरिसकेको छ ।

प्रतिकृया दिनुहोस