७ माघदेखि को १ च ५९६१ नम्बरको मारुती गाडीसहित बेपत्ता भएको र घरपरिवारबाट सम्पर्कविहीन भएपछि प्रहरीले उनको खोजी शुरु गरेको थियो ।

डा रौनियारको अपहरण भएको आशङ्कामा प्रहरीमा निजका परिवारले लिखितरूपमा खोजी गर्न माग गरेको थियो ।

रासस

विराटनगरबाट चिकित्सक पनि बेपत्ता

उद्योगी गंगाविसन राठी बेपत्ता भएर खोजी मोरङ प्रहरीले खोजी गरिरहेका बेला विराटनगरबाट एक जना चिकित्सक पनि बेपत्ता भएका छन् ।

हिमालखबर

मंगलबार , ९ माघ २०६९ ५:०३ पम

नोबेल मेडिकल कलेज विराटनगरमा कार्यरत सप्तरी फत्तेपुर–३ का ३२ वर्षीय डाक्टर विवेककुमार रौनियार दुई दिनदेखि बेपत्ता छन् । रौनियारका दाजु हेम गुप्ता रौनियारले ९ माघमा मोरङ प्रहरीमा निवेदन दिएपछि उनी ७ गतेदेखि नै बेपत्ता रहेको सार्वजनिक भएको हो ।

विराटनगर–६ स्थित महाऋषि फार्मेसीमा बिरामी जा“चेर बेलुका ८ बजे डेरा तर्फ लागेका रौनियार हालसम्म सम्पर्कमा नआएको जनाउँदै प्रहरीमा खोजतलासका लागि दाजु हेमले निवेदन दिएका छन् ।

विराटनगरमा सानीआमाको घरमा बस्दै आएका रौनियार को १ च ५९६१ नम्बरको कारस“गै बेपत्ता भएको र उनको खोजी भईरहेको मोरङ प्रहरीले जनाएको छ । नोबेल मेडिकल कलेज स्रोतका अनुसार चिकित्सक रौनियार बेपत्ता भएदेखि एक जना नर्स पनि घरको सम्पर्कमा छैनन् । नोबेलबाट राजीनामा दिई सकेकी नर्स र चिकित्सक रौनियार स“गै भएको वा नभएको पुष्टि हुन नसकेको एक चिकित्सकले बताए ।

उता उद्योगी राठीको सकुशल रिहाईको माग गर्दै विराटनगरका दुई दर्जन बढी संघ संस्थाले सार्वजनिक अपिल गरेका छन् । राठी काकडभिट्टापारी भारतमा अपहरणमा परेको हुनसक्ने सम्भावना रहेको भन्दै उद्योगीहरुले भारतीय राजदूत समक्ष खोजीको लागि आग्रह गरिसकेका छन् ।

कमल रिमाल, विराटनगर

प्रतिकृया दिनुहोस