थप समाचारमंगलबार, माघ ९, २०६९

जुवा खेल्न भारत पुगेका पक्राउ

हिमालखबर

जोगवनीका रामसागर रायको घरमा रहेको जुवाको खालबाट ८ माघमा अररियाका एसपी शिवदीप नेतृत्वको टोलीले १२ जना नेपाली र एक भारतीयलाई पक्राउ गरेको हो । पक्राउ पर्नेहरु २१ वर्षीय युवकदेखि ७५ वर्षीय बृद्धसम्म रहेको इलाका प्रहरी कार्यालय रानी विराटनगरले जनाएको छ ।

रानीका प्रहरी निरीक्षक कबिन्द्र कार्कीका अनुसार हाल जोगवनीस्थित भारतीय प्रहरीको नियन्त्रणमा रहेका नेपालीहरुमा विराटनगरका शिवनारायण यादव, रामबहादुर राई, ज्ञानेन्द्र साह, श्याम शर्मा र रामानन्द साह, बविया–४ का नागेश्वर यादव, हात्तीमुढा– ८ का मोहमद अलाउद्दिन र मोहमद सलाउद्दिन छन् । त्यसैगरी चाँदबेलाका मोहमद हरदिस, नरसिंह ४ का कमाल मियाँ, धनकुटा लेगुवाका नगेन्द्र कार्की, सुनसरी दुहबीका मोहमद अइबुल पनि पक्राउ परेका छन् ।

धनकुटाका कार्कीलाई भने जोगवनीस्थित बालाजी स्टोरमा सामान किन्दै गर्दा शंकाको आधारमा भारतीय प्रहरीले पक्राउ गरेको बताइएको छ । जोगवनीका रामसागर रायको घरमा संचालित जुवाको खालमा नेपालीहरुले दैनिक लाखौं उडाउँदै आएका छन् । यसअघि भारतीय एस्पी शिवदिपले जुवाको खाल बन्द गराए पनि पुनः सञ्चालनमा आएको थियो ।

कमल आरएल, विराटनगर

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...