गोल्डकपमा स्वदेश तथा विदेश गरी ८ वटा टिमहरु सहभागी बन्ने आयोजक धरान फुटबल क्लबले १० माघमा पत्रकार सम्मेलन गरी जनाएको छ । तस्बीर:सोहन श्रेष्ठ/धरान

धरान १७ स्थित एन्फा एकेडेमीमा चैत्र १७ सम्म संचालन हुने गोल्डकपमा स्वदेश तथा विदेश गरी ८ वटा टिमहरु सहभागी बन्ने आयोजक धरान फुटबल क्लबले १० माघमा पत्रकार सम्मेलन गरी जनाएको छ । प्रतियोगितामा ए डिभिजनका उत्कृष्ट ४ टीम, विदेशका भारत, भुटान र हंगकंग साथै अष्ट्ेलियाका टिमहरु सहभागी बन्ने अध्यक्ष किशोर राईले बताए ।

बुढासुब्बा उपाधि विजेताले यसपटक ३ लाख २५ हजार पाउने भएको छ । यो गर्तवर्ष भन्दा ५० हजारले बढी हो । त्यस्तै उपविजेतालाई १ लाख साढे ६२ हजारसहित ट्रफीहरु प्राप्त गर्ने अध्यक्ष राईले बताए । उत्कृष्ट खेलाडीले एउटा मोटरसाइकल पाउनेछ भने सर्वाधिक गोलकर्ताले ट्फीसहित २५ हजार, म्यान अफ दि म्याचले ३५ हजार पाउनेछन् ।

करिव ४७ लाख ६२ हजार लागत अनुमान गरिएको १५ औं संस्करणका लागि जिवी मार्केटिग प्रालिको मूख्य प्रायोजन गरिरहेको छ । प्रतियोगिता संचालन भइन्जेलसम्म विक्री भएका हरेक टिकटवापत १० रुपैया नेपाल पत्रकार महासंघ सुनसरी धरानको भवन निर्माणार्थ जानेसमेत अध्यक्ष राईले उद्घोष गरेका छन् ।
-सोहन श्रेष्ठ/धरान

प्रतिकृया दिनुहोस