१५ माघमा शुरु बि डिभिजन लिगमा सातदोबाटो र श्रीकुमारी क्लबले विजयी शुरुवात गरेका छन् । श्रीकुमारीले पुल्चोकलाई ३–० तथा सातदोबाटोले च्यासल युथ क्लबलाई २–० गोल अन्तरले पराजित गरेर तीन/तीन अंक जोडेका छन् ।

१३ क्लब सहभागी बि डिभिजन विजेता टीमले चार लाख नगद पुरस्कारसहित  ए डिभिजन खेल्ने अवसर पाउनेछ । दोस्रो हुनेले रु. २ लाख, तेस्रो हुनेले रु. एक लाख तथा चौथो हुनेले रु. पचास हजार नगद पुरस्कार पाउनेछ ।

नवलपरासीको कोइलापानी पोलस्टार र काठमाडौंको स्टार क्लबले खेलमा सहभागिता नजनाउने घोषणा गरेका छन् । गतवर्ष ए डिभिजनबाट घटुवा भएको कोइलापानीले आर्थिक अभाव तथा स्टार क्लबले अखिल नेपाल फुटबल संघको कार्यशैलीप्रति असहमति जनाउँदै खेल बहिस्कार गरेको हो ।

प्रतिकृया दिनुहोस