घरबाट विराटनगर आएका प्रधानाध्यापक हरिचरण विश्वासलाई अपरिचित समूहले जबरजस्ती भ्यानमा हालेर अज्ञात स्थलतर्फ लगेको पीडित परिवारले जनाएको छ । विद्यालयको रिक्त रहेको एक दरबन्दीका लागि आबेदन दिएका शिक्षकहरुको परीक्षा गराउन आएका बेला ६२ वर्षीय शिक्षक विश्वास अपहरणमा परेका हुन् ।

अपहरित विश्वासका छोरा निरञ्जन विश्वासका अनुसार बाबुले अपहरणमा पर्ने बित्तिकै अर्को विद्यालयका प्रधानाध्यापक दिलीप चौधरीलाई फोन गरेर जानकारी गराएका थिए । “बुवाले दिलिप सरलाई फोन गरेर नचिनेका मानिसहरुले जबरजस्ती भ्यानमा हालेर लाँदैछन् भनेर फोन गर्ने बित्तिकैदेखि मोबाइल बन्द छ” निरञ्जनले भने ।

अपहरणमा संलग्न रहेको आशंकामा रिक्त पदका लागि परीक्षा दिन आएका सोहन हरिजनलाई मोरङ प्रहरीले नियन्त्राणमा लिएको छ ।
कमल रिमाल, विराटनगर

प्रतिकृया दिनुहोस