तस्बीर: रासस

काठमाडौँ महानगरपालिका–२९ गँगबु निवासी सुकुकाजी महर्जनले भक्तपुरको मध्यपुरथिमि सिद्धिकाली परिसरमा आयोजना गरेको उक्त व्रत गत असोजदेखि हरेक महिना एक वर्षसम्म निरन्तर विभिन्न १२ ठाउँमा गरिने आयोजकले जनाएका छन् । १८ माघमा गरिएको उक्त व्रत पाँचौ महिनाको हो । यसअघि स्वयम्भू, बुङमती, गोदावरी र जनबहालमा यस्तै ब्रत सम्पन्न भइसकेको छ ।

उक्त व्रत हरेक महिना कृष्णपक्ष तृतीयाको दिन गरिने भएकाले तिला व्रत भन्ने गरिएको छ । एक पटक बस्ने व्यक्ति एक वर्षसम्म बस्नुपर्ने र आफू बस्न नसक्ने भएमा आफ्नो सट्टा अर्को व्यक्तिलाई भए पनि बस्न लगाउनुपर्ने नियम बनाइएको छ ।

व्रत बसेमा दुःख, दरिद्र, कलह, नाश हुने एवं शान्ति, धन तथा निरोग प्राप्त हुन्े विश्वास रहेको व्रतालु काठमाडौँ निवासी विष्णुदेवी महर्जनले बताइन् । बिहान करिब ९ बजेदेखि शुरु भएको एकदिने व्रतमा कपिलवस्तुका शुद्धोदन महाराजलाई वसुन्धरादेवीले उद्धार गरेको सम्बन्धमा विकासरत्न वज्राचार्यबाट कथा वाचनसमेत हुने गरेको छ ।
रासस

प्रतिकृया दिनुहोस