थप समाचारशुक्रबार, माघ १९, २०६९
दुई दर्जन बढी जुवाडे पक्राउ
माइधारका मनहाङ लिम्बुको घरमा जुवा खेल्ने, खेलाउनेलाई १८ माघ बेलुका प्रहरीले पक्राउ गरेको हो । झापाका र मोरङका नामुद जुवाडेहरुलाई पक्राउ गरिएको प्रहरीले जनाएको छ । बिर्तामोडका होटल ब्यवसायी भोला उप्रेती, उर्लाबारीका ब्यवसायी अर्जुन तुम्रुकलगायतका जुवा खेल्दै गरेकाहरुलाई पक्राउ गर्न स्थानीय प्रहरीलाई खबर नै नगरी जिल्ला प्रहरी र इलाका प्रहरी बिर्तामोडको टोलीले छापा मारेको थियो ।पक्राउ पर्नेहरमा जुवा हेर्नेहरुसमेत छन् ।
जुवाको खालबाट प्रहरीले चार लाख ९२ हजार एक सय १५ रुपैयाँ र एक सेट कौडा बरामद गरेको छ । लोडसेडिङका बेला जुवा खेल्दा बत्ति बाल्न प्रयोग हुने जेनेरेटरसमेत नियन्त्रणमा लिइएको झापा प्रहरीका प्रवक्ता तथा नायव उपरीक्षक मोहन शर्माले बताए ।
कमल रिमाल, विराटनगर