थप समाचारशनिबार, माघ २०, २०६९
कुसुण्डाको प्रतिनिधित्व माग
दाङको घोराहीमा २० माघमा सम्पन्न नेपाल कुसुण्डा विकास समाज केन्द्रीय समितिको प्रथम अधिवेशनले नीति निर्माण तहमा कुसुण्डा समुदायको प्रतिनिधित्वको माग गर्ने निर्णय गरेको हो । वनका राजा भनेर चिनिने कुसुण्डा जातिलाई सरकारले निःशूल्क उच्च शिक्षाको व्यवस्था गर्नुपर्ने समितिका नवनिर्वाचित अध्यक्ष धनबहादुर कुसुण्डाले माग गरे ।
यसैबीच अधिवेशनबाट कुसुण्डा विकास समाजको अध्यक्षमा धनबहादुर कुसुण्डा चयन भएका छन् । यसैगरी समाजको उपाध्यक्षमा शालिगराम कुसुण्डा, सचिवमा सँगिता कुसुण्डा, कोषाध्यक्षमा फनी कुसुण्डा, सदस्यहरुमा छबिलाल कुसुण्डा, गोबिन्द कुसुण्डा, पर्शुराम कुसुण्डा, कमला कुसुण्डा(दाङ) र कमला कुसुण्डा(रोल्पा) रहेका छन् ।
अधिवेशनमा दाङ, प्यूठान, रोल्पा, सुर्खेत, तनँहु र गोरखाका कुसुण्डाहरु सहभागी थिए ।
देविक घर्ती मगर, दाङ